Tükürpədici hadisə Braziliyada baş verib

Braziliyada öz qızını 16 il ərzində zorlayan, ondan 7 uşağı olan balıqçı ata tutulub. Tükürpədici hadisə ölkənin şimal-şərqindəki kasıb Maranhao əyalətində baş verib. Yerli mətbuatın məlumatına görə, 54 yaşlı Jose Aqostino Bispo Perreyra anonim məktub əsasında polislər tərəfindən saxlanılıb.

Balıqçının qızını 12 yaşından bəri izolyasiya edilmiş, üstü samanla örtülmüş qəbrə bənzəyən daxmada saxladığı bəlli olub.

Polisin verdiyi məlumata görə, atası tərəfindən təcavüzə uğrayan qızın hazırda 28 yaşı var. O nə oxumaq, nə də yazmaq bilir. Qadın öz atasından olan və ən kiçiyi 2 aylıq, böyüyü 12 yaşında olan 6 uşağı ilə birlikdə xarabaya bənzəyən daxmada qalır. Uşaqlardan biri isə başqa ailəyə verilib.

Xatırladaq ki, iki il öncə anoloji hadisə Avstraliyada baş vermişdi. Manyak ata 24 il boyunca doğma qızını zorlayıb, ondan bir neçə uşağa sahib olmuşdu. O, ömürlük azadlıqdan məhrum edilib.